Your are browsing : समाचार

News / Picture : Onlinekhabar

खिम्ती (रामेछाप) - अविरल वर्षाका कारण गए राती गएको पहिरोमा पुरिएर रामेछापको खिम्तीमा ७ जनाको मृत्यु भएको छ। सेना र प्रहरीको टोलीले मृतकका शव पुरिएको अवस्थाबाट बाहिर निकालेका छन्। निकालिएका मध्ये ६ जनाको सनाखत भएको छ। पहिरोमा पुरिएर मृत्यु हुनेहरुमा खिम्ती-४ का एकै परिवारका ३ जना छन्। ५५ वर्षीय मिठो थापा, उनका १३ वर्षीय छोरा केदार थापा, २३ वर्षय छोरी स्वास्थानी थापाको मृत्यु भएको हो। खिम्ति-३ की १३ वर्षीय सीता सुनारको पनि पहिरोमा परी मृत्यु भएको छ। यसैगरी रसनालु गाविस-१ खोला खर्कका ५५ वर्षीय भीमबहादुर तामाङ, उनकी श्रीमती बाटुलीमाया तामाङ र आमा पर्ने एक महिलाको मृत्यु भएको प्रहरीले जनाएको छ। उनकै परिवारका १२ वर्षीय ढल्क तामाङ बेपत्ता छन्। पहिरोमा पुरिएर ५ जना अझै हराइरहेका छन्। पहिरोमा परी घाइते भएका ३ जनालाई सुरक्षाकर्मीको टोलीले उद्दार गरेको छ। घाइतेहरु महिमाला तामाङ, आइमाला तामाङ, हेमबहादुर तामाङलाई उद्दार गरी स्थानीय स्वास्थ्य संस्थामा उपचार भइरहेको छ। अवरिल वर्षकाका कारण खिम्ती खहरेमा गएको बाढीले पुल बगाउँदा सदरमुकाम जोड्ने सडक सम्पर्क विच्छेद भएको छ। पहिरो गएको स्थान जिल्ला सदरमुकाम मन्थलीदेखि १६ किलोमिटर उत्तरतर्फ पर्छ।

विन्ध्यवासिनी यातायात ब्यवसायी समिति पोखराले सर्वोच्च अदालतको आदेश विपरीत कास्कीका प्रमुख जिल्ला अधिकारी (प्रजिअ) यादवप्रसाद कोइरालाले सिण्डिकेट प्रथालाई बढावा दिएको आरोप लगाएको छ । समितिले आज (सोमबार) काठमाडौंमा पत्रकार सम्मेलन गरेर प्रजिअ कोइरालाले यातायात क्षेत्रको सिण्डिकेट हटाउन अनिच्छा देखाएको आरोप लगाएको हो । प्रजिअ कोइरालाका कारण आफूहरुको करोडौ रुपियाँ डूब्नेस्थिति उत्पन्न भएको समितिको भनाई छ । पोखरा नगर र आसपासको ग्रामिण क्षेत्रमा स्तरीय सेवा दिन ५८ वटा एयरकण्डिसन बससहित २०६९ कात्तिक–१४ गते रुट परमिटका लागि निवेदन दिएपनि समितिले सिण्डिकेटका कारण अनुमति पाएको छैन । समितिका अध्यक्ष समबहादुर गुरुङगले सरकारले सिण्डिकेट तोडेर अनुमति दिन पटक–पटक लिखित निर्देशन दिए पनि यातायात ब्यवस्था कार्यालयका प्रमुख सुनिल खनाल र प्रजिअ कोइरालाले अनुमति नदिएको आरोप लगाए । उता, स्थानीय प्रशासनले समितिका पदाधिकारी विरुद्ध नै पक्राउ पूर्जी जारी गरेको छ ।

काठमाडौं २९ साउन । नेपाल मेडिकल काउन्सिलले नपत्याए पछि चीनमा एमवीवीएस (चिकित्साशास्त्र) पढेर आएका डाक्टरहरुले आन्दोलनको चेतावनी दिएका छन् । काठमाडौंमा आज (सोमबार) पत्रकार सम्मेलन गरेर चीनमा अध्ययन गरेर आएका ८३ जना डाक्टरहरुले काउन्सिल र स्वास्थ्य मन्त्रालयले विनारोकावट इन्टर्नशिप दिनुपर्ने माग गरेका हुन् । आफूहरुको माग पुरा नगरेको भन्दै उनीहरुले व्यक्तिगत गालीगलौज समेत गरेका छन् । सर्वसाधारणको स्वास्थ्यमा खेलवाड हुने भन्दै काउन्सिलले चीनमा अध्ययन गरेर आएका ८३ जना चिकित्सकहरुलाई इन्टर्नशिपका लागि अनुमति दिएको छैन । काउन्सिलले चीनमा अध्ययन गरेर आउने चिकित्सकहरुलाई पछिल्लो समय विश्वास गरेको छैन । अस्पतालहरुमा इन्टर्नशिप गर्न पाउनु पर्ने भन्दै उनीहरुले आमरण अनसनको चेतावनी दिएका छन् । यद्यपि, काउन्सिलले उनीहरुको धम्कीलाई वेवास्ता गरेको छ । काउन्सिलले पत्याए पछि मात्रै विदेशबाट डाक्टरी पढेर आएका विद्यार्थीलाई अस्पतालहरुमा इन्टर्नशिपको अनुमति दिने कानूनी व्यवस्था छ । काउन्सिलले नपत्याएका ८३ जना डाक्टरहरुले काउन्सिलका पदाधिकारीलाई व्यक्तिगत मानमर्दन हुने आक्षेप समेत लगाए । चीनको डाली, चाईना थ्री गर्जेज, उहाँन र वेफान विश्वविद्यालयबाट अध्ययन गरेर आएको उनीहरुको भनाई छ । केही वर्ष अघि पनि काउन्सिलले चीनमा अध्ययन गरेर आएका डाक्टरहरुलाई विश्वास नलागे पछि इन्टर्नशिपको अनुमति दिएको थिए । उनीहरुले पनि आन्दोलन गरेका थिए । ‘काउन्सिलका अध्यक्ष डा.दामोदर गजुरेल र रजिष्टार डा.नीलमणि उपाध्ययले सिट पुग्दैन भनी हाम्रो भविष्यमा खेलवाड गरेका छन्,’ संघर्ष समितिका अध्यक्ष दीपक पाण्डेलले आरोप लगाए, ‘काउन्सिलका पदाधिकारी इन्टर्नशिपका नाममा पैसा खान पल्केका छन् ।’ उनीहरुले काउन्सिललाई स्वास्थ्य मन्त्रालय समेतले साथ दिएको आरोप लगाए । समितिका उपाध्यक्ष सुलक्षणा श्रेष्ठले चीनबाट पढेर आएका यसअघिका विद्यार्थीहरुलाई पनि काउन्सिलले नपत्याएको बताईन् । चीनमा पढेर आएका सुमन अधिकारीले भने, ‘लाखौं खर्च गरी आएका हामीहरुलाई इन्टर्नशिपका लागि निर्वाध अनुमति दिनु पर्छ ।’

२९ साउन, काठमाण्डौ । नेपाल सद्भावना पार्टीकी अध्यक्ष सरिता गिरी अनसनमा बस्ने हुनु भएको छ । गिरीले मंगलवार विहान ९ बजेदेखि रत्नपार्कको शान्तिबाटिकामा अनशन सुरु गर्नु हुने छ । निर्वाचन क्षेत्र पुन:निर्धारण आयोगको प्रतिवेदन पुनरावलोकनका लागि पुन:आयोगमा फिर्ता पठाउनु पर्ने, सिरहाका विस्थापितहरुलाई पुन:स्थापित गर्नुपर्ने र मतदाता नामावली संकलनको समय थप गर्नु पर्नेलगायतका माग राख्दै गिरी अनसनमा बस्न लाग्नु भएको हो ।

२९ साउन, मोरङ । आठ बर्षीया बालिकालाई जबरजस्तीकरणी गर्न खोजेको आरोपमा एक बृद्ध पक्राउ परेका छन् । केराबारी-९ की ८ बर्षीया दलित बालिकालाई जबरजस्ती करणी गर्न खोजेको आरोपमा मोरङ केराबारीका ८० बर्षीय बृद्ध दागबहादुर तामाङलाई प्रहरीले गएराति पक्राउ गरेको हो । राति १० बजेतिर पिसाब फेर्न निस्किएकी बालिकालाई छिमेकी बृद्धले जबरजस्तीकरणी गर्न खोजेको आरोपमा तामाङलाई पक्राउ गरी स्थानीयवासीले राति नै ईलाका प्रहरी कार्यालय बेलबारीमा बुझाएका हुन् । बृद्ध तामाङले भने प्रारम्भिक बयानका क्रममा आफु घर नजिकै बसिरहेको बेला बालिका पिसाव गर्न गएकाले आफुमाथी गाउँलेले झुटो आरोप लगाएको बताएका छन् । बृद्ध तामाङले आफ्नो र बालिकाको स्वास्थ्य परिक्षण गराउन र मेडिकल रिपोर्टमा दोषी देखिए जस्तोसुकै कार्बाही भोग्न तयार रहेको बताएका छन् । घटनाको सत्यतथ्य बुझ्न मंगलवार विहान ईलाका प्रहरी कार्यालय बेलबारीमा छलफलका लागि बोलाइएको छ भने आजै बालिकाको स्वास्थ्य परिक्षण समेत गर्ने जिल्ला प्रहरी कार्यालय मोरङले जनाएको छ ।

भिडियोको लागी यहाँ क्लिक गर्नुहोला

२८ साउन, काठमाण्डौ । कोइराला परिवार र विश्ववनधु थापाको परिवारवीचको एक शताब्दी पुरानो मित्रता नाता सम्बन्धमा परिणत भएको छ । बीपी कोइरालाकी नातिनी र विश्वबनधु थापाका नातिवीच विवाह सम्पन्न भएपछि यी दुई परिवारवीचको घनिष्ठता झन् सघन भएका हो । कोइराला परिवारले सानैदेखि पालन पोषण र शिक्षा दिक्षा दिएर हुर्काएका थापाले राजा महेन्द्रसंग मिलेर बीपी कोइरालालाई प्रधानमन्त्री पदबाट बर्खास्त गरी जेलमा थुनाएका थिए । तर पनि कोइराला परिवारको बढि घनिष्ठता भएका कारण विश्वबन्धुलाई राजाले राष्ट्रिय पञ्चायतको अध्यक्ष्भन्दा माथिल्लो पदमा मौका दिएनन् । दशैको टीका थाप्न बीपी कहाँ गएबापत राजाले विश्वबन्धुलाई घोक्रेठ्याक लगाएका थिए । बीपीकी नातिनी (डा शशांककी छोरी) र विश्वन्धु थापाका नातिवीच केही समयअघि अमेरिकामै विवाह भएको हो । दुबैजना अमेरिकामै बसोबास गर्छन । विवाह भोज भने आगामी भदौ ३ गते काठमाण्डौको होटल याक एन्ड यतिमा गर्न लागिएको छ । दुवै परिवार ठूलो राजनीतिक घरानाका भएका कारण विवाह भोज भव्य हुने अनुमान गरिएको छ । बेहुलीका तर्फवाट मात्रै करिव तीन हजार व्यक्तिलाई निमन्त्रणा गरिसकिएको छ । काँग्रेस सभापति पदमा उम्मेदवार हुने इच्छा जाहेर गरिसकेका बीपी पुत्र शशांकले आफ्नी एक्ली सन्तानको विवाह मन फुकाएरै मान्छेहरुलाई निमन्त्रणा पठाइरहेका छन् । आजको तरुण साप्ताहिकले समाचार छापेको छ ।

source:onlinekhabar div dir="ltr" style="text-align: left;" trbidi="on">